«Уæрæсе Гуырдзыстоны фæстæмæ йæ орбитæмæ æркодта» – райхъусын кодта Молдовайы президент Майя Санду, Евросоветы парламентон ассамблейы ныхасы рæстæджы.

Йæ раныхасы Санду фæныхас кодта Уæрæсейы гибридон операциты тыххæй æмæ банысан кодта, цæмæй Молдовæ æмæ Гуырдзыстон систы Мæскуыйы æрдыгæй бабырстыты нысæнттæ.

«Молдави нæу иунæг бæстæ, кæцы æмбæлы ацы зындзинæдтыл. Мах уынæм ахæм æлхъывдад æнæхъæн Европæйы дæр. Сæрыстырæй зæгъын, Молдави ацы дыууæазон бырстæн кæй фæразы нæ æппæт æхсæнады тыхархайдты фæрцы. Нæ æмбæстæгтæ сбæлвырд кодтой сæ æнувыддзинад сабырад, Европæ æмæ демократийыл.

Хъыг мын у банысан кæнын, цæмæй гуырдзиаг адæмы хъæбатырдзинадмæ æнæкæсгæйæ, кæцытæ дарддæр кæнынц демокративон аргъдзинæдтæ, европæйаг тырнындзинæдтæ æмæ сæхи фидæны хæдбарæй аскъуыддзаг кæныны бар хъахъхъæнын, Уæрæсе Гуырдзыстоны фæстæмæ йæ орбитæмæ æркодта, хæсты тасæй фæрæзæй спайда кæнгæйæ æмæ сигналтæ æрвитгæйæ, цæмæй æнæраст æвзæрстытæ саразын сабырадæн аргъ кæндзæн» -расидтис Санду.

Молдовайы президенты ныхасмæ гæсгæ, Уæрæсейы радон нысан у Сомихыстон. “Ныр Ирыстон свæййы уыцы иу стратегийы нысан, кæцыйы нысан у йæ суверенитет фæлæмæгъдæр кæнын, демократон æвзæрстытыл æндæвдад æмæ мидæггагон лæмæгъдзинæдтæй спайда кæнын. Мах лæууæм Ирыстон æмæ йæ адæмы фарсмæ, уымæн æмæ уыдон архайынц ацы æндæвдады ныхмæ лæууын æмæ сæ демократон фидæн бахъахъхъæнын”, — загъта Майя Санду.