Гуырдзыстоны раздæры президент Саломе Зурабишвили Мюнхены конференцийыл расидтис, цæмæй ацы этапыл Гуырдзыстоны фæдыл европаг æмæ америкаг партнертæй фаг реакци нæ уыны.

Зурабишвили куыд банысан кодта афтæмæй, Гуырдзыстоны ныры хицауадæн легитимондзинад нæ фаг кæны æмæ иупартион у.

«Уæрæсе Украинæйы нæ фæуæлахиз». Æз нырма нæ зонын, цахæм уыдзæн бадзырдты фæстиуæг, фæлæ хъуыддаг уый мидæг ис, æмæ æртæ азы дæргъы, Уæрæсейæн нæ бантыст Украинæйы йæ нысантæ сæххæст кæнын. Уый Уæрæсейæн адæймагон ресурстæм гæсгæ бирæ бахардз кодта. Чи зоны сын уый ницы нысан кæны, фæлæ нымæцтæ сты бæрзонд. Экономикон аргъ, стæй ма уырыссаг æфсæддон элитæйы кад кæй фесæфт, уый тыххæй сæ бон нæ уыд, цы сæ фæндыд, уый аразын. Альтернативон, гибридон стратеги у – цæуылнæ хъуамæ бафæлварæм Гуырдзыстоны æндæр хуызы райсын, Гуырдзыстоны хицаудзинады контрол кæнын. Дзурæм легитимондзинадыл. Ныртæккæйы хицауадæн легитимондзинад нæй, уый у иупартион системæ, кæцы фылдæрæй фылдæр æнгæс кæны Уæрæсейы иупартион системæимæ.

Æвзæрстыты рæстæджы спайда кодтой алыхуызон мадзæлттæй. Колл-центртæ, адæмы персоналон бæрæггæнæнты номхыгъдтæ, кæцытæм цыд цæстдард, афтæ ма хъæлæстæ давыны традициондæр фæрæзтæ. Ацы методтæй райсæм ацы марионетон хицауад, кæцы ахæм уынаффæ хæссы, кæцыйы дæ фæнды, уæлдайдæр та кандидатон статус райсыны фæстæ, кæцы у Гуырдзыстоны европæйаг фæндагæй сисын æмæ йæ уырыссаг фæндагмæ раздахын. Кæй зæгъын æй хъæуы, уый у тынг тæссаг. Кæд æмæ Гуырдзыстоны афтæ рауайа, уæд гæнæн ис æмæ æндæр рæтты дæр бафæлварой æмæ æндæр рæтты дæр бафæлварой ахæм хъуыддаг. Ныртæккæ нæ уынын фаг реакцитæ нæ европæйаг æмæ америкаг партнертæй. Гуырдзыстон æрмæст Гуырдзыстон нæу, уый æрмæст ахæм бæстæ нæу, кæцыйæн цæрджыты 80% йæ фарс хæцы æмæ бирæ рæстæджы дæргъы тырны европон фæндагмæ. Уый дæр у Сау денджызы регион. «Чи контрол кæндзæн Сау денджызыл?»

Бацæттæ кодтой синхронон тæлмацмæ гæсгæ.