Гуырдзыстоны плангонд техникон фембæлд Еврокамисимæ ссис политикон спекуляцийы темæ – уый фæдыл парламентæн «Адæмон тыхы партийы» æхсæнадæмон ахастыты нымæрдар Эка Сепашвили расидтис.
Йæ ныхасмæ гæсгæ, Гуырдзыстон техниконæй æххæст кæны визалиберализацийы æппæт домæнтæ æмæ йæ хъус æрдардта политикон хаймæ.
Сепашвилийы ныхасмæ гæсгæ, Гуырдзыстоны демократийæн аргъ кæнгæйæ, европæйаг бюрократтæ арæхдæр дзурынц æргомдзинад æмæ бинонты æргъдзинæдты хъахъæды закъоныл, кæцы здæхт у ЛГБТ пропагандæйы ныхмæ тох кæнынмæ. Йæ ныхæстæм гæсгæ,  зæгъгæ  ацы  фарста цыма политикон  компонент у, æнæкæсгæ уымæ  æмæ йын визалиберализациимæ бастдзинад нæй.
«Афтæ зыны, цыма ацы дыууæ закъон Гуырдзыстоны суверенитет æмæ хæдбардзинад бахъахъхъæнынæн сеппæтæй нысаниуæгджындæр сты, æмæ уый тыххæй дæр хицæн тыхтæ афтæ æнæфæцудгæйæ домынц сæ скусын кæнын, уымæн æмæ ацы закъæттæ, куыд зыны, сеппæтæй фылдæр къуылымпы кæнынц сæхи фæндтæ Гуырдзыстоны сæххæст кæнын», – загъта Сепашвили Эка.
Йæ ныхасмæ гæсгæ, Евроцæдисы дæр ис æнæниз зонд, кæцы фæуæлахиз уыдзæн æмæ Гуырдзыстоны æмбæстæгтæн сæ бон уыдзæн адарддæр кæнын æнæвизæйон режимæй пайда кæнын.
«Фæлæ æппæты æвзæрдæр уавæры дæр, кæд æмæ ацы къахдзæф сараздзысты, уæд мæнмæ гæсгæ, уый уыдзæн æрмæстдæр Евроцæдисы репутацийы æмæ йæ политикæйы ныхмæ здæхт уынаффæ, æмæ уый ноджы иу аргумент у, цæмæн нæ скусын кæндзысты визæйы либерализаци.Уыдон æй нæ скусын кæндзысты æндæр аххосагæй – цæмæй æппынæдзух дарой ацы фарст куыд политикон æлхъывдады инструмент. Хъуыды кæнын, цæмæй Гуырдзыстоны дæр ис иумæйаг зонд, кæцы уæлахиз кæндзæн Евроцæдисы æмæ Евроцæдисы æмбæстæгтæн сæ бон уыдзæн дарддæр дæр спайда кæной æнæвизæйон режимæй куыд æмбæлы афтæ», -расидтис Сепашвили Эка.