Папуашвили Шалва Сербимæ ацыд, цы ран Евроцæдисы кандидат бæстæты парламентты сæрдарты фыццаг конференцийы хайад райсдзæн

Гуырдзыстоны парламенты сæрдар, Папуашвили Шалва, Сербийы сæйраг сахар Белградмæ официалон визитæй ацыд.

Визиты фæлгæтты парламенты сæрдар хайад райсдзæн Евроцæдисы уæнгдзинадмæ кандидат бæстæты парламентты сæрдарты фыццаг (конститутивон) конференцийы, кæцы уагъд цæуы Серби æмæ Украинайы парламентты сæрдарты инициативæйæ.

Гуырдзыстоны парламенты информацимæ гæсгæ, конференцийы нысан у парламентты сæрдарты регулярон æмæ эффективон форматы сырæзт, кæцы кандидат бæстæты æхсæн парламентон диалог фæарфдæр кæндзæн, информацийы баивдзæн, позицитæ координир кæндзæн æмæ Евроцæдисмæ интеграцийы процессы кæрæдзийæн æххуыс кæндзæн.

Конференцийы фæлгæтты Шалва Папуашвили хайадисджытæм раныхас кæндзæн æмæ кусæн рабадтыты хайад райсдзæн.

Конференцийы кæронбæттæны хайадисджытæ райсдзысты иумæйаг хъусынгæнинаг.