Мидхъуыддæгты министрады уæлвæтк уавæрты  куысты  зынгхуыссынгæнджытæ  æмæ  ирвæзынгæнджытæ,  пъæлицæйы кусджытимæ иумæ,  Гуриайы регионы  активонæй  æххуыс кæнынц  æмбæстæгтæн. Уыдон зилынц бынæттон цæрджытыл, кæцытæ æххуысхъуаг сты регионы алы хъæуты тыхджын митуарды тыххæй æмæ сæ ифтонг кæнынц хæлцадæй, хæдзары æнæмæнгхъæуæг дзаумæттæй, хостæй.

Ирвæзынгæнæн мадзæлтты хайадисæг зынгхуыссынгæнджытæ пъæлицæйы тыхтимæ иумæ æдас бынатмæ аластой ноджы цалдæр бинонты, уыдон нымæцы æнахъомтæ æмæ ацæргæ адæмы.

МХМ æндæр æмæ æндæр дæлхæйттæ, се æхсæн зынгхуыссынгæнджытæ дæр, Ныгуылæн Гуырдзыстоны тыхджын митуарды фæдыл, æмбæлон уагдæтты минæвæрттимæ координацийы, уæлвæткон режимы кусын дарддæр кæнынц.

Уый фæдыл информаци мидхъуыддæгты министрады пресс-куыстуат парахат кæны.