Гуырдзыстоны премьер-министр Ираклий Къобахидзе Гуриайы регионмæ министрты кабинеты уæнгтимæ иумæ æрцыд. Гуырдзыстоны хицауады сæргълæууæг ацы рæстæгмæ Гуриайы регионы Озургеты паддзахадон минæвары администрацийы координацион штабимæ фембæлд уадзы.

Хицауады Сæргълæууæгæн фехъусын кодтой, тыхджын митуарды аххосæй цавæр проблемæтæ æвзæры æмæ алы ведомствæты минæвæрттæ адæмæн баххуыс кæныны тыххæй цы мадзæлттæ æххæст кæнынц, уыдоны тыххæй.

Цæрджытæн баххуыс кæныны тыххæй мобилизацигонд æрцыдысты максималон адæймагон ресурстæ, афтæ ма уæззау техникæ дæр. Интенсивонæй сыгъдæг кæнынц фæндæгтæ. Премьер-министры бардзырдмæ гæсгæ, хихъахъæнады тыхтæ баиу сты уыцы процессмæ, цæмæй цыбыр рæстæгмæ аиуварс кæной тыхджын митуарды аххосæй расайгæ проблемæтæ.