«Æнæнизхъахъхъæды министрады æмæ ныййарджыты хайадистæй арæзт æрцæудзæн кусæгон къорд, кæцы активонæй бакусдзæн Дюшены мускулты дистрофийæ рынчын сывæллæттæн конкретон медикаменттæй сифтонг кæныны фарстайыл» – райхъусын кодта Гуырдзыстоны премьер-министр Ираклий Къобахидзе, Дюшены мускулты дистрофийæ рынчын сывæллæтты ныййарджытимæ фембæлды фæстæ.

Къобахидзейы расидæнмæ гæсгæ, процесс куыд цæуы, уый фæдыл ныййарджыты æнæрлæугæйæ зонгæ кæндзысты.

«Абон Дюшены мæцъисты дистрофийæ рынчын сывæллæтты ныййарджытимæ уагъд æрцыд дыккаг фембæлд. Абоны фембæлды мах бадзырдтам æнæниздзинадхъахъхъæнынады министрады минæвæрттимæ æмæ ныййарджытимæ кусæгон къорд саразыныл, кæцы активонæй кусдзæн сывæллæттæн сæрмагонд хостæй сифтонг кæныны фарстайыл.

Ома, ацы фембæлды мах бадзырдтам бæлвырд хостæ, кæцыты тыххæй райдайдзæн куыст сæ æдас кæныныл. Бæлвырд хостæ балхæныны фæдыл кæронбæттæн уынаффæ ист æрцæудзæн æндæр æмæ æндæр фактортæ хынцгæйæ, се æхсæн фармацевтон компанитæ цы æмгъуыдтæ æрбавдыстой, уыдон хынцгæйæ.

Арæзт æрцæудзæн сæрмагонд кусæгон къорд, райдайдзæн конкретон куысты процесс, æмæ ныййарджытæн æппынæдзух хъусын кæндзысты процесс куыд цæуы, уый тыххæй. Мах бадзырдтам бæлвырд хостæй, кæцытæ бæрæг аххосæгтæм гæсгæ ныртæккæ нæ раргом кæнæм, фæлæ æмбæлон информаци уыдзæн æппæт ныййарджытæн дæр.

Фæнды мæ бузныг зæгъын алы ныййарæгæн дæр, кæцытæ архайдтой фембæлды, афтæ æппæт ныййарджытæн дæр сæ конструктивон ахасты тыххæй. Афтæ дæр мæ фæнды бузныг зæгъын Гуырдзыстоны æнæнизхъахъхъæды министрæн æмæ профилон министрады кусджытæн, цæмæй лæмбынæг æркастысты ацы фарстамæ.

Ныфс нæ ис, цæмæй абоны æскъуыддзаг сывæллæтты интересты хъахъхъæд æмæ парахат кæнынæн сеппæтæй хуыздæр бындур сараздзæн», -расидтис Ираклий Къобахидзе.