Футболæй Дунейы чемпионаты гом арвы бын æвдыстмæ гæсгæ, Фыццаг Республикæйы фæзыл змæлд рæстæгмæ уыдзæн тобæгонд 7-æй 21-æм июлмæ

Футболæй Дунейы чемпионаты матчтæн гом кæсыны мадзæлтты организацимæ гæсгæ, Тбилисы Фыццаг Республикæйы фæзуатыл змæлд æнæхъæнæй тобæгонд уыдзæн 7-æм июлы 23:00 сахатæй 21-æм июлы райсомы 8:00 сахатмæ – уый фæдыл Тбилисы мэрийы хъусын кæнынц.

Мерийы информацимæ гæсгæ, рæстæгмæ арæнæвæрд бандавдзæн Шота Руставелийы проспекты æмæ Фыццаг Республикæйы фæзы тигъыл Мерабы Къоставайы уынгы тигъы онг фæндаджы хайыл.

«Арæнæвæрдты рæстæджы хæдтулгæтæн нæ уыдзæн гæнæн змæлын Руставелийы проспектæй (Оливæбæласæй) Фыццаг Республикæйы фæзы æрдæм. Руставелийы проспектæй Къоставайы уынджы æрдæм змæлæг хæдтулгæтæн сæ бон уыдзæн адарддæр кæнын æрмæстдæр Михаил Джавахишвили æмæ Мераб Къоставайы уынгты.

Михеил Джавахишвилийы уынгыл змæлæг хæдтулгæтæн Фыццаг Республикæйы фæзуатæй рацæуыны фадат нæ уыдзæн æмæ Тбилисы паддзахадон концертон галуаны æрдæм ацæудзысты. Къоставайы уынгæй змæлд уыдзæн æрмæстдæр Руставелийы проспект æмæ Сæрибары фæзы æрдæм.

Æхсæнадон транспорты тыххæй та, ивддзинæдтæ бандавдзысты автобусты маршруттæ #359 æмæ микроавтобус #457.

Автобус #359, кæцы Марджанишвилийы уынгæй Михеил Джавахишвилийы уынджы фæстæ Вакейы æрдæм цæуы, Фыццаг Республикæйы фæзуатмæ нал бацæудзæн, фæлæ йæ бæсты адарддæр уыдзæн Къоставайы уынгыл æмæ уый фæстæ йæ снысангонд маршрутыл ацæудзæн. Фæстæмæ здæхæн фæндаг баззайдзæн æнæивгæйæ.

Уымæй  уæлдай ма,  микроавтобус #457, кæцы  Марджанишвилийы  уынгæй  Руставелийы  проспекты ‘рдæм, Михеил Джавахишвилийы  уынджы  фæстæ  цæуы,  афтæдæр  Фыццаг Республикæйы  фæзуатмæ нæ бацæудзæн. Дарддæр кæндзæн Табукашвилийы уынгыл, уый фæстæ та Лагидзейы уынгыл, Руставелийы проспектмæ, стæй та йæ снысангонд маршрутыл. Фæстæмæздæхæн фæндаг дæр баззайдзæн æнæивгæйæ», -ис фыст Тбилисы мэрийы хъусинаджы.