Сæйраг фæндæгты 80% ныридæгæн ссыгъдæг сты, уыдон сты муниципалон фæндæгтæ, абон нын уыдзæн ноджы хуыздæр фæстиуджытæ, серьозон прогресс сарæзтам электроэнергийы ифтонгады æрдгæй – уый фæдыл Гуриайы регионы журналисттæн хицауады администрацийы къухдариуæггæнæг Жоржолиани Леван расидтис.

Уый загъта, æдæппæтæй стихийы райдианы кæй бахъыгдард сты 35 мин абоненты, æмæ 27 февралы боны кæронмæ электрон тых сног кодтой 29 мин абонентмæ æввахс, зианбаййафæг абоненттæн сæ æрдæгæй фылдæрæн сног кодтой газ.

«Махæн ис цалдæр приоритетон фадыджы, кæцыты фæдыл хæслæвæрдтæ лæвæрд цæуынц штабы рабадтыл боны райдианы æмæ мах хыгъдлæвæрд кæнæм боны кæрон». Электроифтонгады æрдгæй мах сарæзтам серьезон прогресс; Знон, боны райдайæны, ныридæгæн уыд активон 24 мин абонентæй фылдæр, боны кæронмæ та ацы нымæцмæ бафтыд 4800 абонент. Хорз цæуæм ацы здæхты. Афтæ ма сæйраг фæндæгтæн сæ 80% ссыгъдæг сты, уыдон сты муниципалон фæндæгтæ. Ноджы хуыздæр хатдзæг нæм уыдзæн абон. Хъæуы центрмæ дæр бахæццæ стæм бирæ хъæуты, уырдыгæй гæнæн ис цæрджытимæ комкоммæ ныхас кæнын æмæ сæм, куы бахъæуа, уæд хæлцад æмæ хостæ хæццæ кæнын. Лæвæрд æрцыдысты бæлвырд хæстæ, æвæрд æрцыд пълан. Газифтонгады секторы ахицæн кодтой 1300 абоненты æмæ се рдæгæй фылдæр ныридæгæн сног сты. Ацы здæхты нын абон уыдзæн хуыздæр динамикæ æмæ фæстиуджытæ, æмæ æппæт уæвæг ресурстæ сты мобилизацигонд. «Сæйраг уый у, цæмæй архайæм æмбæлон координацийы æмæ æмбæлон къухдариуæгады уавæрты» – райхъусын кодта Леван Жоржолиани.