Бангкокы Интерполæй райсгæ фыстæгмæ гæсгæ, Мидхъуыддæгты министрады централон криминалон пъæлицæйы кусджытæ райдыдтой фæдагуырд уголовон кодексы 143-æм статьяйы 3-æм хаймæ гæсгæ, кæцы хауы адæймæгтæй базарады тыххæй. Уый фæдыл информаци мидхъуыдтæгты министрад парахат кæны.

Уагдоны информацимæ гæсгæ, барадхъахъхъæнджытæ фæдагуырды райдайæны фæстæ æвæстиатæй сарæзтой æппæт æнæмæнгхъæугæ фæдæвзарæн мадзæлттæ, уый нымæцы экспертизæтæ ауадзын æмæ æндæр æмæ æндæр бынæтты ауадзын басгæрстытæ.

«Æрфарстой 70 фæсарæйнаг æмбæстаджы бæрц, фæлæ дзы иуæн дæр, æртæ тайлаг сылгоймагæй дарддæр, хъаст нæ уыд».

Æртæ тайлаг сылгоймаджы, кæцытимæ æрфарстой, бамбарын кодтой, кæй нал фæндыд суррогаттæ уæвын æмæ сæ цæрæн адрисыл баззайын. Уыцы бон барадхъахъхъæнджытæ æртæ сылгоймаджы дæр адæймæгты базарады амæттæгты æмбæхсæн бынатмæ раивтой, æмæ æмбæлон юридикон процедурæтæ сæххæст кæныны фæстæ, уыдон ныууагътой бæстæ.

Афтæ дæр пъæлицæ рафарста цыппар фæсарæйнаг æмбæстæджы, кæцытæ Тайланды æмбæстæгты Гуырдзыстонмæ суррогаты нысанæй æрбакодтой. Барадхъахъхъæнджытæ бæлвырдгæнæнæн байстой сæ чырæ телефонтæ, кæцытæй ист æрцыд информаци.

Бангкокы Интерпол бузныг расидтис мидхъуыддæгты министрады кусджытæн хыгъдлæвæрдæн æвæстиатæй дзуапп раттыны тыххæй æмæ цы фæдагурæн архайдтытæ сарæзтой, уый тыххæй. “Ацы уголовон хъуыддаджы фæдыл фæдæвзарæн цæуы дарддæр”, — дзырдæуы мидхъуыддæгты министрады хъусинаджы.