Испанийы, Толедойы, Интерполы 53-æм европон регионалон конференцийыл уæнг бæстæты ауагъд æвзæрстыты фæстиуæгæн, фылдæры хайы хъæлæсæппæрстæй æскъуыддзаг ис, цæмæй радон – 54-æм регионалон конференци 2027-æм азы уагъд æрцæудзæн Гуырдзыстоны. Уый фæдыл Гуырдзыстоны мидхъуыддæгты министрад хъусын кæны.

Минитсрады информацимæ гæсгæ, снысангонд æскъуыддзаг ноджы иу хатт акцент кæны Гуырдзыстоны барадхъахъæнджыты эффективон æмæ æнтыстджын æмкуыстдзинад европæйаг партнертимæ, афтæ дæр бæстæйы рæзгæ роль æмæ æууæнк æхсæнадæмон полицийы æмкуыстдзинады.

Конференцийы Гуырдзыстоны фарсæй хайад райстой централон криминалон полицийы департаменты директоры хæдивæг Ираклий Дондоладзе, Интерполы Гуырдзыстоны националон централон бюройы хистæр Болоташвили Гиоргий æмæ Испанийы Паддзахады Гуырдзыстоны мидхъуыддæгты министрады полицийы атташе Шалва Шубладзе.

Хъæлæсæппæрсты агъоммæ, Гуырдзыстоны делегацийы минæвæрттæ конференцийы хайадисджытæн базонгæ кодтой нысаниуæгджын фæстиуджытимæ, кæцытæ гуырдзиаг пъæлицæйæн ис организгонд фыдракæнды æмæ наркотикты змæлды ныхмæ тохы, æхсæнадæмон операцитæм æнтыстджын æмкуыстдзинад, афтæ дæр барадхъахъхъæнæг системæйы нырыккон гæнæнтæ.

Гуырдзыстонæн 2027-æм азы плангонд конференцийы хайад райсдзысты Интерполы генералон секретариаты æмæ æххæстгæнæг комитеты минæвæрттæ, афтæ дæр барадхъахъæнджыты къухдариуæггæнджытæ европон регионы бæстæтæй.

Мидхъуыдтæгты министрады сидынц, цæмæй Гуырдзыстоны ахæм масштабы æппæтдунеон полицион мадзалы фысым нысаниуæгджынæй ахъаз уыдзæн барадхъахъхъæнæг сферайы партнерон ахастыты ноджы фæтыхджындæр кæнынæн.