Барадхъахъхъæнджытæ ссардтой æрмгусгæ нарколаборатори, байстой 20 килограммы онг алыгъуызон наркотиктæ, æрцахстой дыууæ адæймаджы

Полицийы операциты фæстиуæгæн, Мидхъуыддæгты министрады Тбилисы полицийы департаменты Ваке-Сабурталойы сæйраг хайады кусджытæ сбæрæг кодтой сусæг нарколаборатори æмæ æрцахстой Казахстаны республикæйы дыууæ æмбæстаджы наркотикон фыдракæндты аххосагæй. Уый фæдыл информаци мидхъуыддæгты министрад парахат кæны.

Уагдоны информацийæ, фæдагуырд цæуы уголовон кодексы 266 æмæ 260 статьятæм гæсгæ, кæцытæ 20 азы онг кæнæ та цæрæнбонтæм ахæстоны фæбадын дары йæ зæрдыл.

«Фæдагуырд бæлвырд кæны, цæмæй аххосджынтæ, дарддæры уæй кæныны нысанæн, рæстæгмæ цæрæнуаты арæзт афтæ хуынæг лабораторийы, алыгъуызон химион фæрæзтæй æмæ прекурсортæй пайда кæнгæйæ, цæттæ кодтой наркотиктæ.

Ахст адæймæгты сæрмагонд æмæ рæстæгмæйы цæрæнбынæтты басгæрсты рæстæджы пъæлицæйæгтæ æвдисæнæн ссардтой уæлдай стыр бæрц алыгъуызон наркотиктæ, кæцыты уæз уыд 20 килограммы онг. Фæдæвзарæн архайдтыты фæстиуæгæн афтæ дæр ист æрцыдысты наркотикты хæдзарон кондад æмæ æфснайынæн æнæмæнгхъæугæ æрмæджытæ», -ис фыст МХМ-ы хъусинаджы.