Ресторан «Бабило»-йы цур уагъд протестон акцийыл административонæй ахст сты 9 адæймаг ,– уый фæдыл фыццаг къаналæн фехъусын кодтой мидхъуыддæгты министрады.

Сæ ныхæстæм гæсгæ, уæлдæр банысангонд хицæн адæймæгтæ ахст сты административон барадхæлдтыты кодексы 166 æмæ 173 статьятæм гæсгæ, кæцытæ амонынц барадхъахъхъæнæджы закъонмæ гæсгæ куырдиатмæ æнæкоммæгæсдзинад æмæ хулиганизммæ.

Протестгæнджытæ цалдæр сахаты размæ ресторан «Бабилойы» цур æрæмбырд сты, цыран, уæвæг информацийæ, тæрхонгæнджытæн корпоративон хъæлдзæгдзинад цыд. Ресторанмæ æрбацæуæг тæрхонгæнджытыл хъæлдзæг хъæлæсæй сæмбæлдысты. Ныхмæлæуд уый фæстæ сырæзт, цалдæр тæрхонгæнæг хæрæндонæй куы ацыдысты, уый фæстæ. Митинггæнджытæ сæм хъæр кодтой æмæ сæм æйчытæ æппæрстой. Бынатыл уавæр цалдæр хатт фæкарздæр ис. Дзургæ ныхмæлæуд æмæ физикон быцæуы фæстиуæгæн, барадхъахъхъæнджытæ æрцахстой цалдæр адæймаджы. Фæстæдæр тæрхонгæнджытæ барадхъахъхъæнджыты æххуысæй хæрæндон «Бабилойы» территорийæ ныууагътой, цæй фæстæ дæр протесты хайадисджытæ апырх сты.