Æрцæуæггæгты агентад балхæндзæн хæдзæрттæ 800 онг мидæггагон æрцæуæггаг бинонтæн. Æнæниздзинад хъахъхъæныны министрады информацийæ, ацы бинонты номхыгъд ныридæгæн мыхуыргонд æрцыд уагдоны сайтыл.

«Нысаниуæгджын у, цæмæй хæдзæрттæ балхæныны программæ фæстаг рæстæджы райста сæрмагонд масштаб æмæ ацы аз ахызт рекордон бæрæггæнæнмæ – 2025 азы агентад балхæдта хæдзæрттæ 3000 онг æрцæуæггаг бинонтæн.

Æрцæуæггаг бинонтæн лæвæрд цæуы æхсæз мæйы æмгъуыд, цæмæй сæхæдæг равзарой хæдзæрттæ Гуырдзыстоны кæцыфæнды регионы. Цæрæнуæттæ балхæнынæн цы суммæ рахицæн цæуы, уый бæрæггонд цæуы бинонты æфтиæгтæ хынцгæйæ», — нысан кæнынц Æнæниздзинад хъахъхъæныны министрады.

Сæ ныхæстæм гæсгæ, хъæууон хæдзæрттæ балхæныны программæ йæ тыхы ис 2014 азæй фæстæмæ, æмæ уыцы æмгъуыдмæ паддзахад æдæппæтæй æрцæрын кодта 13 минæй фылдæр æрцæуæггаг бинонты.

Æнæнизхъахъхъæды министрады куыд хъусын кæнынц афтæмæй, æлхæды программæйы фæлгæтты æрцæуæггаг бинонты æрцæрын кæнын фидæны дæр активон режимы адарддæр уыдзæн.