Рустауы, нырыккон стандарттæн дзуапп чи дæтты, ахæм цæрæн комплекс арæзт цæуы, цæмæй æрцæрын кæной лигъдон бинонтæн – уый фæдыл æнæнизхъахъхъæды министрад расидтис.

Сæ ныхæстæм гæсгæ, цыппар ног арæзт бæстыхайы æххæстæй цалцæггонд фатертæ райсдзысты 800 лигъдон бинонтæ.

“Проект йæ зæрдыл дары цæрæн комплексы территорийыл стадион, сывæллæтты хъазæн фæз æмæ фæлтæрæнон фæзуæтты арæзтад. Арæзтад финансгонд цæуы паддзахадон бюджетæй æмæ йæ аргъ у 80 971 596 ларийы.

Уымæй дарддæр ма, нысаниуæгджын у, цæмæй лигъдон адæмы агентад активонæй аргъ кæна лигъдон бинонты æххæстгонд куырдиæттæн, кæцыты фæнды снысангонд цæрæн комплексы æрцæрын кæнын. Алы бинонтæн дæр закъондæттынадмæ гæсгæ æвæрд цæуы уæлæмхас балл. Аргълæвæрды процесс куы фæуыдзæн, уæд къамис сбæлвырд кæны, цал баллæй бинонтæ уыдзысты мониторингы бын.

Окупиргонд территоритæй æрцæугæ лигъдæтты, фæллойы, æнæнизхъахъхъæды æмæ социалон хъахъхъæды министры хæдивæг Цагареишвили Гиоргий æмæ лигъдæтты агентады директор Къаикацишвили Давит бынатыл арæзтадон куыстыты цыд басгæрстой» – ис фыст æнæнизхъахъхъæды министрады расидæны.