Твалчърелидзейы уынгыл 762 лигъдон бинонтæн ратдзыстæм ног, æххæстæй цалцæггонд фатертæ – уый фæдыл Гуырдзыстоны премьер-министр, Ираклий Къобахидзе, Тбилисы æрцæуæггаг бинонтæн фатерты раттыны мадзалы ныхасы рæстæджы расидтис.

Къобахидзейы ныхасмæ гæсгæ, фидæн азы уалдзæгмæ, цæрæн комплекс æххæстæй арæзт куы æрцæуа, уæд дзы цæрдзæн 2426 æрцæуæггаг бинонтæ.

«Ацы бон махæн у иттæг нысаниуæгджын æмæ сæрмагонд, абон Тбилисы Твалчрелидзейы уынгыл ног, æххæстæй цалцæггонд цæрæн фатертæ ратдзыстæм 762 æрцæуæггаг бинонтæн.Уый та нысан кæны, цæмæй ноджы 762 бинонтæн ног, аккаг æмæ стабилон царды этап райдайдзæн.

Ацы районы даргъ кæны арæзтадон æмæ æндæр рæттæм æрцæрын кæныны процесс – фидæн азы уалдзæджы, цæрæн комплекс æххæстæй арæзт куы фæуа, уæд ам цæрдзæн 2426 æрцæуæггаг бинонтæ.

Уый Тбилисы иуæй-иу сеппæтæй стырдæр проект у, кæцыйы иумæйаг аргъ, инфраструктурæимæ иумæ, 255 милуан лари у. Фæнды мæ бузныг зæгъын алкæмæн дæр, кæцытæ баст уыдысты ацы проекты реализацийыл, бузныг зæгъын компани «Анаги»-йæн, алы аразæг æмæ инженерæн, кæцытæ сарæзтой ацы æнахуыр комплекс», – загъта хицауады сæрдар.