Гуырдзыстоны цаутæ раст фæндагыл нæ цæуынц, цы ис саразæн? Иу фарста санкцитæ сты, иннæ та æнæвизон режимы арæнæвæрд, – уый фæдыл Евроцæдисы æддаг политикæйы департаменты къухдариуæг Кая Калас Брюселы Евроцæдисы æддаг хъуыддæгты министрты советы рабадты размæ расидтис.

«Æппæт цаутæ, кæцыты ацы рæстæгмæ уынæм Гуырдзыстоны, нæ цæуынц раст æрдæм, цы ран хъуамæ уой кандидат бæстæтæ. Уæдæ æруынаффæ кæндзыстæм Гуырдзыстоны хицауад оппозицийы ныхмæ репресситы спайда кæныны фæстиуджытыл. Цы ис гæнæн саразын европæйаг фарсæй? Иу фарста у санкцитæ, иннæ фарста у æнæвизон режимы арæнæвæрд», – расидтис Кая Калас.

Цавæр мадзæлттæ бавдисдзæн абон министртæн æмæ æрцæудзысты æви нæ сразыдзинадмæ, уый фарстыл Къалас загъта:

«Уыдис нæм ахæм дискусситæ. Мах стæм 27 демокративон бæстæ, кæцытæн ис нæхи хъуыдытæ æмæ уый тыххæй хъæуы рæстæг. Мах бавдыстам ахæм адæймæгты номхыгъд, кæцытæ оппозицийы ныхмæ тыхæй пайда кæнынц. Афтæ дæр ныхас кæнæм æнæвизæйы режимыл, куыд æй арæн кæнæм, æмæ ис ахæм уæнг бæстæтæ, кæцыты фæнды къамисæн бахæс кæнын ацы фæндоны райрæзт. Фыццаджыдæр, номхыгъд ныридæгæн æрхъуыды кодтой. Уæдæ йыл æруынаффæ кæндзыстæм, фæлæ номхыгъды тыххæй хъуамæ алчидæр сразы уа, нырма не сразы стæм», — загъта Къалас.

Уымæй уæлдай ма, фарстмæ – «Дарддæр дæр æххуыс кæндзыстут Гуырдзыстоны афтæ хуынæг президент Саломэ Зурабишвилийæн?» Æвзæрстыты фæстæ?” – загъта Къалас:

«Президентон æвзæрстытæм цы хауы, уымæ гæсгæ президент йæ бынатыл ис 29-æм декабры онг, гæнæн ис æмæ уый размæ дæр бирæ цыдæртæ æрцæуа», – загъта Кая Калас.