«Мах абон æруынаффæ кодтам санкциты фарстайыл, кæцытæ æххæст кæнынц ацы митæ, ацы тæрхæттæ не сты пропорционалон, кæцы нысан кæны, цæмæй рæстады системæ цыма у ацы репрессивон машинæйы æнæфæхицæнгæнгæ хай» – райхъусын кодта Евроцæдисы æттаг политикæйы департаменты къухдариуæггæнæг Кая Калас.

Евроцæдисы æттаг хъуыдтæгты советы рабадты фæстæ уагъд пресс-конференцийыл Каласы бафарстой Гуырдзыстоны цалдæр оппозицион архайæджы ахсты фæдыл.

«Ныхасæн йæ хай уыд, цæмæй ахæм тæрхонгæнджытæн санкцитæ снысан кæнæм, кæцытæ афтæ кæнынц. Абон махæн уыд ацы дискусси æмæ ацы хъуыддагмæ æрыздæхдзыстæм июлы. Абон бадзырдмæ нæ баххæсыдыстæм æмæ мæ ныфс ис, июлы нын уыдзæн прогресс. Дискуссийы темæ у, æфхæрæм Гуырдзыстоны кæнæ гуырдзиаг адæмы? Нæ фæнд нæу Гуырдзыстоны æфхæрын кæнæ гуырдзиаг адæмы, нæ арæхдæр вæййы Гуырдзыстоны адæймæгты æфхæрын, кæцытæ конкретон адæймæгты бартæ хæлынц», – загъта Калас.