Гуырдзыстоны экономикæ  сындæггай  æздæхы  позитивон  рæзынадмæ.  Публикацигонд æрцыд  сентябры  мæйы  æддæ базарады   статистикæ  æмæ  тынг æхсызгон  у уый, цæмæй  нæ экспорт  сентябры 8.6  процентæй  райрæзтис.   Параллелонæй  фæкъаддæр ис  импорт  æмæ  уый та нын амоны,  цæмæй  æддæ базарады  баланс  фæхуыздæр ис –  ахæм комментари сарызта  экономикæ æмæ æнæфæцудгæ рæзынады  министр  Натиа Турнава  «Сакстаты»  2020 азы   сентябры  æддæ базарады  фæдыл  экспресс-бæрæггæнæнтыл ныхасы рæстæджы.

Министры фидиуæнæй, экспорты  рæзынады  сæрмагонд  хай хауы  хъæууон-хæдзарадон æмæ  текстилы дзаумайы экспортмæ.

«Сакстатмæ» гæсгæйæ  сентябры  экспорт  райрæзтис  æмæ йæ   бæрцуат  аххæссыд  332  милуан ларимæ. Ацы рæстæджы  фæхуыздæр ис  базарадон дефицит 98,5 млн АИШ долларæй.  2020 азы  январ-сентябры периоды тыххæй куы зæгъæм  уæд, базарадон  дефицит  фæкаддæр ис  752,6 млн АИШ долларæй.

Январ-сентябры  базарадон  дефицит  æддæ-базарадон  зилдухы  40,8 процент  уыд æмæ раззаг  азимæ абаргæйæ, 1,8  процентон пунктæй  фæхуыздæр ис.  Банысан кæнын хъæуы,   цæмæй   2019 азы  экспорт   ркордон  бæрæггæнæнмæ 3,798,4 млн АИШ доллармæ ахæццæ ис  æмæ раззаг азимæ абаргæйæ  12.4 процентæй  райрæзтис.