АИШ-ы минæвæртты палатæ «Кавказы Китайы контролы ныхмæ тохы акт» райста.

Закъонопроект æвдисы Вашингтоны рæзгæ тыхстдзинад, цæмæй парти «Гуырдзиаг бæллиц» фылдæрæй-фылдæр кæны АИШ-ы сæйраг геополитикон ныхмæлæуджыты æндæвдады орбитæмæ. Закъонопроект АИШ-ы администрацийæ домдзæн, бацæттæ кæна сусæг аргълæвæрд, цас æмвæзадыл æрбабырстой Уæрæсейы æмæ Китайы развæдсгарæнты Гуырдзыстонмæ, уый нымæцы, цас æмвæзадыл æмдзу кæнынц сæ архайдтытæ.

Минæвæртты палатæ АИШ-ы паддзахадон департаментæн, развæдсгарæн æмæ хъахъхъæнынады бæрзонд рангы кусæгтимæ иумæ, бардзырд дæтты, цæмæй æрбавдисой сусæг хыгъдлæвæрд акты райсты фæстæ 180 бонæй фæстæдæр. Сусæг хыгъдлæвæрды бацæттæйæ дарддæр ма, закъонопроект АИШ-ы паддзахадон департаментæн хæслæвæрд кæны Гуырдзыстонимæ ахастыты фæдыл АИШ-ы фондзазон стратеги саразын æмæ сбæлвырд кæны, адарддæр кæна æви нæ АИШ Гуырдзыстоны хицауадимæ партнердзинады инвестицитæ.

Республикон конгрессмен Джо Уилсон раныхас кодта минæвæртты палатæйы, цалынмæ закъоныпроект нæ райст æрцыд, уæдмæ.

«Æнæзакъонон «Гуырдзиаг Бæллиццы» режим ныртæккæ уæй кæны бæстæ Китайы коммунистон партийæн æмæ хæстон фыдгæнæг Путинæн æмæ Иранæн, кæцы ныхмæлæууæг у гуырдзиаг адæмы фæндонæн æмæ АИШ-ы интерестæн.Гуырдзыстоны æвзæрстытæ фальсификацигонд æрцыдысты.Уымæй уæлдай ма уыдон парахат кодтой сеппæтæй чъизидæр антиамерикаг пропагандæ æмæ æппынæдзух Трампы хонынц «Deep State»-ы агентæй. Æцæгæй та, мах ма зонæм, цæмæй президент Дональд Трампы инаугурацийы кадджын уазæг уыд легитимон президент Саломе Зурабишвили… Ацы режимы уагахаст тас кæны алцыппæтæн, кæцы президент Трампæн бантыст Хуссар Кавказы, æмæ уый хъуамæ фæива», — банысан кодта Уилсон.

Зæрдыл уын æрлæууын кæндзыстæм, закъоныпроект минæвæртты палатæ куы райста, уæд æрвыст æрцыд сенатмæ æркæсын æмæ сфидар кæнынмæ.