Гуырдзыстоны националон банкъ Кореяйы банкъы æмæ Кореяйы финансон телекоммуникациты æмæ æнææхцайæ æрбæстон кæныны институты (KFTC) экспертты къордæн суазæг кодта. Визиты нысан уыд «Гуырдзыстоны æнææхцайæ фиддонты системæйы райрæзт» проекты фæдыл фæныхас кæнын æмæ хатдзæгтæ скæнын.

Националон банк æмæ Кореяйы банкы æхсæн ацы проекты фæдыл 2025 азы æмгуыстады бадзырд бафыстой.

«Проекты нысан у Гуырдзыстоны æнææхцайы фиддонты дарддæры рæзтæн æххуыс кæнын.Проект йæ хъус дары фиддонты уæвæг уавæры аргълæвæрдмæ, æнææхцайæ фиддонты æрбаконды сæйраг барьерты рабæрæг кæнынмæ æмæ нымæцон фиддонты размæцыды хъуыддаджы хуыздæр практикæ æмæ политикæйы фæлтæрддзинадæй дих кæнынмæ» – нысан кæны Националон Банкъ.

Сæ ныхасмæ гæсгæ, проекты фæлгæтты регуляцион базæйæн практикон рекомендацитæ арæзт æрцыдысты, кæцыты нысан у фиддонты нырыккон инфраструктурæйы райрæзт æмæ æнææхцайы фиддонтæй парахатæй спайда кæнын.

«Ацы проект нын фадат дæтты æрмæст уæвæг æнææхцайы фиддонты инфраструктурæйы аргълæвæрдæн нæ, фæлæ ма райсæм конкретон практикон фæрæзтæ йæ райрæзтæн.Нысаниуæгджын у, цæмæй ацы æмкуыстдзинад хъæуы æнæ æрмæст Гуырдзыстонæн, фæлæ ма æнæхъæн регионæн дæр – иумæйагæй махæн нæ бон у фидар кæнæм финансон инфраструктурæ, кæцы у æнæфæцудгæ экономикон рæзынады бындур», -расидтис Гуырдзыстоны националон банкъы президент Натиа Турнава.

Йæ ныхасмæ гæсгæ, нысаниуæгджын у Гуырдзыстон-Кореайы партнерады стратегион нысаниуæг, уæлдайдæр та уыцы фадæттæ, кæцытæ ацы проект дæтты æнææхцайон фиддонты системæйы фæтыхджындæр кæнынæн, финансон технологиты æрбакондæн æмæ координиргонд практикæты рæзын кæнынæн регионы.

Кореяйы централон банкъы минæвар Вонджонг Ромы ныхасмæ гæсгæ, Гуырдзыстон æмæ Корейæн бирæ иумæйаг ис æмæ фæлтæрддзинады ивд нысаниуæгджын у дыууæ фарсæн дæр.

«Гуырдзыстон у фыццаг европæйаг бæстæ æмæ фыццаг бæстæ азиаг регионæй дарддæр, кæцыимæ мах æмгуыст кæнæм Астæуккаг къæлидоры контексты, кæцы нын фадат дæтты фидæны партнердзинад ноджы фæуæрæхдæр кæнынæн» – райхъусын кодта Кореайы централон банкъы ахуырадон проектты къухдариуæггæнæг Вонджонг Ром.

NBG-йы информацийæ, фæстаг дыууæ азы дæргъы, Гуырдзыстоны националон банкъ активонæй æмкуыст кæны Кореайы централон банкъимæ æмæ финансон секторы регулятортимæ.

Фембæлдыл хайад райстой ГНБ-йы вице-президент Галдава Екатеринæ æмæ æндæр æмæ æндæр уагдæты минæвæрттæ.