Алфæмблайы националон агентад 2-4 декабры Гуырдзыстоны боныхъæды прогнозы фæдыл информаци парахат кæны.

Синоптикты информацимæ гæсгæ, Гуырдзыстоны 2-æм декабры æнхъæлмæкæсинаг у къæвда, иуæй-иу рæтты митуард, гæнæн ис тыхджын дымгæ, бæрзонд хæхты та ихуард. Æртыккаг декабрæй ногæй æнхъæлмæкæсинаг у фылдæр хус боныгъæд.

Тбилисы 2-æм æмæ 4-æм декабры æнхъæлмæкæсинаг у лыстæг къæвда, 3-æм декабры та хус боныгъæд уыдзæн, боны мидæг уæлдæфы температурæ уыдзæн +10, +12 градус. Денджызы былгæрон районты (Батуми, Кобулети, Анаклиа, Поти): 2-æм декабры æнхъæлмæкæсинаг у къæвда, дымгæ æмæ тыхдымгæ, æмæ 3-æм декабрæй фæсыгъдæг уыдзæн. Уæлдæфы температурæ уыдзæн +14, +16 градусы.

Къахеты (Сагареджо, Телави, Гурджаани, Сигънагъи, Лагодехи, Хъварели, Ахмета, Дедоплисцъхъаро): 2 æмæ 4 декабры иуæй-иу рæтты æнхъæлмæ кæсынц лыстæг къæвда, 3 декабры та къæвда нæ уыдзæн. Уæлдæфы температурæ боны дæргъы уыдзæн +10, +12 градусы.

Скæсæн Гуырдзыстоны уæлхох районты (Ахалкалаки, Цъалка, Бакуриани, Гудаури, Омало): 2-æм æмæ 4-æм декабры иуæй-иу рæтты æнхъæлмæкæсинаг у митуард, 3-æм декабры та къæвда нæ уыдзæн, боны дæргъы уæлдæфы температурæ уыдзæн +4, +6 градус.