Бельгий цыппæрæмфиналы фембæлдзæн Бразилиимæ (видео)

Тынг  цымидисон æмæ    сеппæтæй  драмон разынд матч  цæугæ  Дунейы  Чемпионатыл, кæцыйы   кæрæдзимæ ерыс  кодтой  Бельгийы æмæ   Японийы  æмбырдгæндтæ.  Матч   дыууææрдæм размæбырстытæй райдыдта æмæ   æндæогътæ   цалдæр  тæссаг момент дæр  сфæлдыстой,  фæлæ  фыццаг къæм, 45  минуты  мидæг нæ баппæрстой.

Дыккаг таймы  райдиан минуттæ  та цыма æнæхъæнæй япойнæгты  уыдис: 48 минутыл   хыгъд  бакодта   Генки  Арагуччи, æрмæст 52-æм минутыл  та   Такаши  Инуйи, япойнæг  уæлидзинад   фæфылдæр кодта  дыууæ онг.  Бельгий   цыма  нокдауны  уыдис  æмæ   бирæтæ  ахъуыды  кодтой, цæмæй   ацы   хафтæн  европæгтæн нал  сфæраздзысты  зæгъгæ.

Æнæкæсгæ уымæ,   бельгийæгтæ  сæхимæ  ссардтой  уый  хъомад  æмæ методиконæй рывнæлдтой    япойнæгты  дуæртты æрдæм   бырстытæ.

Сæ архæйдтытæ  фæстиуæг æрхастой  70-æм минутыл,  Вертонген  иварон фæзыгæй   хъахъхъæнджыты  фæстæмæ   ракъуырд пуртийы  йæ  сæрæй  куы ныццавдта  æмæ вæццæгæн  уый æнхъæл йæхæдæг дæр нæ уыд  фæлæ  пурти   комкоммæ  Кавашимæйы дуæрттæм ныххаудис.

Ацы моментæй ноджы  4  минуты рацыд  æмæ  ацы хатт  Эден Азары  зæбулпасы  фæстæ пуртийыл   амбæлд  Маруан Феллайни кæцы   сæрæй  цæфæй   пурти  арвыста япойнæгты  дуæрттæм.

Хыгъдæй  бельгийæгтæ  япойнæгты баййæфтой,  матч дæр цъус æрсабыр ис  æмæ  цыма  уæлæмхас  таймты æрдæм   хъуамæ адарддæр уыдаит, афтæ   хъуыды  кодта алчидæр  уыцы  моментмæ,   бельгиегтæ арвырттывдау цырд   контратакæмæ куы рараст сты  æмæ   Насер Шадли   ацы  матчæн  кæронбæттæн тæпп  сæвæрдта –   3:2.

Фæстагмæ  Бельгий  ацы   драммон матчы  фæуæлахиз ис  æмæ  6 июлы, цыппæрæмфиналы  Бразилимæ  фæбыцæу уыдзæн.

Рафыссут нæ  уникалон аппликаци   FIFA 2018! Android  iOS

Æмæ  уæм уыдзæн фадат,  оперативонæй   базонат  алы  цымидисон  хабаримæ,   матчыты  бæлвырд  ранывæст, фæстиуджытæ  LIVE-режимæй  æмæ  саразат  уæхи сæрмагонд прогноз!

Матчыты  бæлвырд  ранывæзт  -Дунейы Чемпионат  Фыццаг Къаналыл!    

Ныууадз комментари