Гуырдзыстоны инновацион центр – BRID.GE-йы официалон байгомы церемони АИШ-ы горæт Сан-Францискойы сырæзт.

Мадзалы æрæмбырдуæвæг уазджытæн раныхас кодта Гуырдзыстоны вице-премьер, æттаг хъуыдтæгты министр Мака Бочъоришвили.

Бочъоришвили бахахх кодта Сан-Францискойы гуырдзиаг инновацион центры саразыны нысаниуæгдзинад, кæцы инноваци æмæ сфæлдыстады глобалон символ у.

«Аразæм ног хид, кæцы идейæтæ ног гæнæнтимæ баиу кæндзæн æмæ Гуырдзыстонæй ахæм бынат скæндзæн, цыран бæллицтæ географийæ арæн нæу, ацы хид, кæцы абон официалонæй байгом ис, хъуамæ суа хъомысджын фæрæз æрмæст нæ бæстæты æмæ фадæтты нæ фæлæ ма адæмы бастдзинадæн дæр», -расидтис Бочъоришвили Мака.

Мадзалмæ хуынд кадджын уазджыты æхсæн уыдысты Сан-Францискæйы мэр Даниэль Лури æмæ Саид Амид, дунеон стартапты акселератор Plug and Play-ы бындурæвæрæг æмæ генералон директор.

Банысанкæнинаг у, цæмæй BRID.GE Гуырдзыстоны æддейæ фыццаг гуырдзиаг инновацион центр у, кæцы гуырдзиаг стартаптæн æмæ технологион компанитæн ног фадæттæ аразы æппæтдунеон базармæ бахизынæн, глобалон партнертимæ æмкуысткæнынадæн æмæ æппæтдунеон инвестортæм комкоммæ бастдзинад райсынæн.

Уый фæдыл информаци Гуырдзыстоны æттаг хъуыдтæгты министрад парахат кæны.