Гуырдзыстоны иуæй-иу регионты 9-11-æм июлы æнхъæлмæкæсинаг у цыбыр къæвда ихуардтимæ, иуæй-иу регионты та гæнæн ис æмæ уара.

Уый фæдыл информаци парахат кæны алфæмблайы националон агентад.

Синоптикты информацийæ, рæстæгæй-рæстæгмæ Имереты, Самегрелойы æмæ Шида Картлийы районты тыхджын хурскæсæйнаг дымгæтæ дымдзæн.

Тбилисы гæнæн ис цыбыр къæвда ихуардтимæ, уæлдæфы температурæ боны мидæг +32, +36 градус уыдзæн.

«Денджызыбыл регионты – Батумы, Кобулеты, Анаклиайы, Поты – фылдæр хус боныгъæд у æнхъæлмæкæсинаг, уæлдæфы температурæ боны дæргъы +32, +35 градус уыдзæн.

Ныгуылæн Гуырдзыстоны ныллæг районты – Зестапони, Кутаис, Самтредиа, Зугдиди, Мартвили, Озургет – фылдæр хус боныгъæд у æнхъæлмæкæсинаг, рæстæгæй-рæстæгмæ тыхджын скæсæйнаг дымгæ уыдзæн, боны дæргъы уæлдæфы температурæ уыдзæн +34, +36 градус.

Ныгуылæн Гуырдзыстоны хæххон районты – Амбролауры, Они, Цагери, Шови, Чъиатура, Сачхере, Хуло, Рикъоты æфцæг – гæнæн ис цыбыр рæстæгмæ ихуардтæ, уæлдæфы температурæ боны дæргъы уыдзæн +34, +36 градус.

Ныгуылæн Гуырдзыстоны уæлхох районты – Местиайы, Бахмаройы – гæнæн ис Цыбыр къæвда ихуардимæ, боныгон уæлдæфы температурæ уыдзæн +27, +29 градусы.

Картлийы – Руставы, Болнисы, Марнеулы, Гардабанийы, Горы, Цхинвалы – æнхъæлмæкæсинаг у цыбыр къæвда ихуардимæ, тыхджын хурскæсæйнаг дымгæ Гуры æмæ Цхинвалы дымдзæн. Шида Картлийы уæлдæфы температурæ уыдзæн +34,+36 градус, Квемо Картлийы та +37,+39 градус.

Къахеты – Сагареджо, Телавы, Гурджааны, Сигънагъы, Лагодехы, Хъуарели, Ахмета, Дедоплисцъхъаройы – гæнæн ис цыбыр къæвдатæ ихуардимæ. Уæлдæфы температурæ боныгон уыдзæн +32,+34 градусы.

Скæсæн Гуырдзыстоны хæххон районты – Ахалгоры, Борджомы, Душеты, Тианеты, Пасанауры – гæнæн ис æмæ уа цыбыр къæвда ихуардимæ. Боны мидæг уæлдæфы температурæ уыдзæн +32,+34 градусы.

Скæсæн Гуырдзыстоны хæххон районты – Ахалкалаки, Цъалка, Бакуриани, Гудаури, Омало – æнхъæлмæкæсинаг у цыбыр æмгъуыдмæ къæвда ихуардимæ, уæлдæфы температурæ +21, +23, градус уыдзæн» – ис фыст алфæмблайы националон агентады расидæны.