30-æм январы онг Ныгуылæн Гуырдзыстоны æвæрццагæй хъарм, хус æмæ дымгæджын боныгъæд уыдзæн, Скæсæн Гуырдзыстоны иуæй-иу регионты та гæнæн ис æмæ фæбæрæг уа лыстæг къæвдатæ æмæ мит – уый фæдыл информацийы хъусын кæны алфæмблайы националон агентад.

Синоптикты информацимæ гæсгæ, Тбилисы гæнæн ис æрцæуа лыстæг къæвдатæ æмæ мит. Уæлдæфы температурæ æхсæвы уыдзæн -1, +1, боныгон та +3, +8 градусы.

Денджызы былгæрон районты (Батум, Кобулеты, Анаклиайы, Поты): Къæвдатæ нæ уыдзæн. Хуссар-скæсæн дымгæ уыдзæн. Уæлдæфы температурæ æхсæвы уыдзæн +7, +9, боныгон та +16 +18 градусы.

Къахеты (Сагареджо, Телави, Гурджаани, Сигънагъи, Лагодехи, Хъварели, Ахмета, Дедоплисцъхъаро): Иуæй-иу рæтты гæнæн ис æмæ æрцæуа лыстæг къæвда æмæ мит. Уæлдæфы температурæ æхсæвы уыдзæн -2, -4, боныгон та +3, +8 градусы.

Скæсæн Гуырдзыстоны уæлхох районты (Ахалкалаки, Цъалка, Бакуриани, Гудаури, Омало): Иуæй-иу рæтты гæнæн ис ихуард æмæ мит уа. Уæлдæфы температурæ æхсæвы уыдзæн -8, -10 градусы, боныгон та -2, +3 градусы.