Veteranların İşləri üzrə Dövlət Xidməti Gürcüstanın Birinci Kanalının əməkdaşlarını Gürcü Jurnalistika Günü münasibətilə təbrik edib.

Ukrayna müharibəsinin başladığı gündən hərbi əməliyyatları işıqlandıran jurnalistlərə və operatorlara rəmzi hədiyyələr verilib.

“Hərbi əməliyyatlar bölgəsində öz həyatlarını riskə ataraq cəmiyyətimizə ətraflı məlumat verən bütün insanları təbrik edirəm. Hər birinizi təbrik edirəm, çünki əsl jurnalistika bir vasitədir, onun vasitəsilə hər birimiz dinamika , inkişaf və bütün çağırışları izləmək imkanına malikik” -deyə Veteranların İşi üzrə Dövlət Xidmətinin rəhbəri Koba Kobaladze bildirib.

Gürcüstanın Birinci Kanalının baş direktoru Tinatin Berdzenişvilinin sözlərinə görə, müharibə dövründə jurnalistlərin fəaliyyəti böyük risklərlə bağlıdır və bu gün isə Ukraynada inkişaf edən hadisələrlə bağlı cəmiyyətin məlumatlı olmasını təmin etmək üçün əlindən gələni edən insanlar rəmzi olaraq mükafatlandırılıblar.

” İlk növbədə bizim üçün hər günün Jurnalistlər Günü olması qeyd edilməlidir. Xüsusən də bu çətin dövrdə, bir neçə qrupumuz Kiyevdə episentrdə idi, olduqca çətin yoldan keçdik. İndi başqa bir qrup Lvova qayıdıb və oradan sadəcə olaraq ictimaiyyəti təsdiqlənmiş məlumatlarla təmin etmək üçün işləyir. Müharibə dövründə jurnalistlərin, reportyorların işi çox risklidir. Müəyyən bir sənəd hazırlamışıq ki, o bir növ qoruyur, özlərini qorumaq, davranış qaydalarını bilmək istiqamətində jurnalistlər üçün prevensiyal xarakter daşıyır. Lakin yenə də deyirəm, təbii ki, risk çox böyükdür və biz bu məsələyə çox ciddi yanaşırıq. Artıq dediyim kimi, qrupumuz Ukraynadan işləyir, geri qayıdan və cəmiyyətimizi məlumatlandırmaq üçün həqiqətən də hər şeyi edənlər bu gün rəmzi olaraq mükafatlandırıldılar” -deyə Tinatin Berdzenişvili bildirib.