Təhsil nazirinin müavini peşə kollecini ziyarət edərək,xüsusi təhsilə ehtiyyac duyan tələbələr üçün mövcud proqramlarla tanış olub
14 İyun- Fiziki Məhdudiyyətli Şəxslərin Hüquqlarının Müdafiəsi Günüdür. Bu münasibətlə Gürcüstanın Təhsil, Elm, Mədəniyyət və İdman nazirinin müavini Tamar Kitiaşvili “Spektri” peşə kollecini ziyarət edib , kollecin xüsusi təhsilə ehtiyyac duyan tələbələri ilə görüşüb və onlar üçün mövcud olan təhsil proqramları və vasitələri ilə şəxsən tanış olub. Məlumatı Gürcüstan Təhsil Nazirliyinin mətbuat xidməti yayıb.
Onların verdiyi məlumata görə, Tamar Kitiaşvili Spektri ziyarət edərkən , peşə kollecləri tərəfindən xüsusi təhsilə ehtiyyacı olan və fiziki məhdudiyyətli şəxslərin , peşə təhsilinə cəlb edilməsi və qoşulması üçün həyata keçirdikləri tədbirlərin çox vacib olduğunu vurğulayıb.
Təhsil Nazirliyindən qeyd edilir ki, bu gün Gürcüstanda peşə təhsili , fiziki məhdudiyyətli şəxslər və xüsusi təhsilə ehtiyyı olan şəxslər üçün eyni dərəcədə əlçatandır.
“Gürcüstan Parlamenti 14 iyun tarixini -Fiziki Məhdudiyyətli Şəxslərin Hüquqlarının Müdafiəsi Günü olaraq 2000-ci ildə elan edib. Bu günün məqsədi, fiziki məhdudiyyətli şəxslərin sosial təcridini aradan qaldırmağa, cəmiyyətdə onlara yönəlik mövcud stereotipləri qırmağa və onların əsl potensialını göstərməyə xidmət edir.
Xatırlatmaq istərdik ki, peşə təhsili proqramlarına qeydiyyat cari ilin may ayının 20-də başladıldı və avqustun 10-da daxil olmaqla davam edəcək”-deyə Gürcüstan Təhsil Nazirliyinin açıqlamasında bildirilir.
Hazırladı-Sevinc Mustafayeva