Biz keçmişdə də  dəfələrlə demişik ki,   prezidentin müəyyən  əfvləri, qalmaqallı əfvləri  ilə razılaşmırdıq, düşünürəm ki, bu halda da  belə bir vəziyyətlə  qarşı-qarşıyayıq”-  bu barədə parlament çoxluğunun üzvü Sopho Kiladze , Qiqi Uqulava və İrakli Okruaşvilinin əfv edilməsi məsələsi ilə əlaqədar  bildirib.

Onun sözlərinə görə, hökumət tərəfindən  bu insanların günahkar olduğu dəfələrlə qeyd olunub   və bu məhkəmənin həbs-qətimkan tədbiri  ilə təsdiqlənib.

“Biz dəfələrlə bu insanların günahkar olduqlarını bildirmişik. Bu məhkəmənin qüvvəyə minmiş həbs-qətimkan tədbiri ilə təsdiqlənir. Bu insanlar siyasi məhbus deyillər. Xanım Salome bu qərarı verib.Biz  razılaşmırıq, lakin  bu elə bir qərar idi ki , nə biz, nə də xanım Salome geriyə qaytara bilməzdi. Fikrimizi seçkiləri ölkəmizə layiq  bir şəkildə keçirməyə cəmləşdirsək  daha yaxşıdır. Bununla “Milli Hərəkat” bu barədə spekulyasiya edə bilməyəcək, deyək ki, siyasi məhbusların  tutulması və s. gələcəkdə   bunu da edə bilməyəcək.   Verilən qərarların  nə qədər təəssüfdoğurucu olmasından asılı olmayaraq, indi diqqətimizi gələcəyə yönəltsək daha yaxşıdır “-deyə  Sopho Kiladze bildirib.

Gürcüstan Parlamentinin İnsan Hüquqları Komitəsinin sədri ,Qiorqi Ruruanın sərbəst buraxılması ilə bağlı müxalifətin tələbinə də münasibət bildirib.

Hazırladı-Sevinc Mustafayeva