Ukrayna hökuməti Mixeil Saakaşvilini Gürcüstanla məsləhətləşmədən təyin etdi- bu barədə Gürcüstan prezidenti  ″Financial Times″-a müsahibəsində bildirib.

Onun sözlərinə görə, bu qərar “Gürcüstan və Ukrayna arasındakı çoxəsrlik münasibətləri çətinləşdirib”.

“ Bu ehtiyyatla düşünülmüş   bir qərar deyildi, məsləhətləşmədən, xəbərdarlıq etmədən, hətta sadə bildiriş belə  olmadan onu qəbul etdilər.Buna baxmayaraq, Gürcüstan vəziyyəti çətinləşdirmək istəmir, çünki Gürcüstan və Ukraynanın çox vacib məsələlər birləşdirir   “-deyə  Salome Zurabişvili bildirib.

Xatırladaq ki, mayın 7-də Mixeil Saakaşvili Ukrayna İslahatlar Şurasının İcra  Komitəsinin sədri olaraq  təyin edildi. Bununla əlaqədar Gürcüstan hökuməti Ukraynadakı  səfiri Teimuraz Şaraşenidzeni konsultasiyalar məqsədi ilə    Tbilisiyə  çağırdı.

Gürcüstanın Xİ naziri  Davit Zalkalianinin sözlərinə görə, Gürcüstan Ukrayna ilə diplomatik münasibətlərini  dayandırmağı və ya strateji tərəfdaşlığına yenidən baxmağı düşünmür, lakin Gürcüstan məhkəmə sistemi   tərəfindən mühakimə olunan və axtarışda olan bir şəxsin strateji tərəfdaş tərəfindən vəzifəyə  təyin olunması suallar doğurur.

Hazırladı-Sevinc Mustafayeva