Salome Zurabişvili  Roma Papası Fransisk ilə danışıb.Gürcüstan prezidentinin Mətbuat  Xidmətindən verilən məlumata əsasən,   söhbət koronavirus böhranı zamanı beynəlxalq həmrəyliyin vacibliyindən düşüb. Gürcüstan prezidenti, Ümumi  Gürcüstanın Katolikos Patriarxından Papaya isti  salamlar  çatdırıb və qeyd edib ki, bu gün katolikos patriarx  ilə görüşü  zamanı məhz  beynəlxalq həmrəyliyin əhəmiyyətindən danışıb.

Söhbət, həmçinin Papa üçün əsas prioritetlərindən olan qlobal ekoloji vəziyyət və ətraf mühit məsələlərindən də düşüb.

Gürcüstan prezidentinin sözlərinə görə, ölkə  üçün ətraf mühiti qorumaq və ölkədəki mövcud ekosistemlərin qorunmasına  qayğı göstərmək çox vacibdir. Papa, ekoloji məsələlərdə Gürcüstanı tam dəstəklədiyini vurğulayıb.

Gürcüstan prezidenti Roma Papasına ölkənin işğal altındakı əraziləri və orda yaranmış humanitar  böhranla bağlı da danışıb.Roma Papası bildirib ki, böhran zamanı qarşılıqlı ehtiyyac və  xalqlar arasında qardaşlığın zəruriliyi daha da aydın görünür.

Roma Papası , mayın 14-də yer kürəsinin  pandemiyadan xilası üçün  dua edəcək. O, Gürcüstan prezidentinə söz verib  ki, Gürcüstan üçün,  böyük mənəviyyata malik  və dəyərli   xalq üçün  dua edəcək.

Hazırladı –Sevinc Mustafayeva