İsrailin xarici işlər naziri Eli Koenin sözlərinə görə, İsrail Türkiyədən diplomatlarını geri çağırıb. İsrail mətbuatının məlumatına görə, buna səbəb Türkiyə prezidenti Rəcəb Tayyib Ərdoğanın İstanbulda fələstinlilərə dəstək mitinqində verdiyi açıqlama olub.

“Türkiyənin artan ritorikasını nəzərə alaraq, mən İsrail-Türkiyə münasibətlərini yenidən nəzərdən keçirmək üçün Türkiyədən diplomatik nümayəndələrin geri qaytarılmasını əmr etdim”, – Xarici İşlər Naziri Eli Koen açıqlamasında bildirib.

İstanbulda fələstinlilərə dəstək üçün keçirilən mitinqdə Türkiyə prezidenti Rəcəb Tayyib Ərdoğan çıxışında “Qəzza sektorunda törədilən qətliama görə ən böyük məsuliyyət Qərbin üzərinə düşür” deyib.