Parlamentin Avropaya inteqrasiya komitəsinin sədri Maka Boçorişvilinin sözlərinə görə, “Şəffaflıq haqqında qanun layihəsi”nin sözdə Rusiya qanunu kimi təqdim edilməsi müzakirə imkanlarını öldürür və demokratik proseslərə mane olur.

“Xarici təsirin şəffaflığı haqqında” qanun layihəsi ilə bağlı olan və onu sözdə Rusiya qanunu kimi təqdim edən kampaniya çox təhlükəlidir, çünki Gürcüstanda mülahizə yürütmək imkanını öldürür və demokratik proseslərə mane olmağa yönəlib. Ölkənin siyasi həyatı ilə bağlı istənilən məsələni müzakirə edə bilərik. Qanunun bu şəkildə brendləşdirilməsi və qaralanması Gürcüstanda siyasi proseslərin şəffaflığı ilə bağlı mühüm məsələ ətrafında sağlam müzakirələrin qarşısını alır”, – Maka Boçorişvili bildirib.