Covid-19 pandemiyasına qarşı mübarizədə vətəndaşlarımızın yüksək məsuliyyət hissi, hökumətin çevik hərəkəti və tərəfdaşlarımız tərəfindən   beynəlxalq dəstək  əvəzsizdir – bu barədə Gürcüstanın Baş naziri Qiorqi  Qaxaria Twitter səhifəsində yazır.

Gürcüstan hökumətinin başçısı  sözü gedən bəyanatla,”Washington Post” da ölkənin  yeni növ koronavirusa  qarşı   mübarizəsinə həsr olunmuş  məqaləyə  reaksiya verir.

″Washington Post″  Gürcüstanı Covid-19  ilə  mübarizənin  ən uğurlu nümunələrindən biri olaraq göstərir. Məqaləyə əsasən, qlobal pandemiya kiçik ölkələrin bu kimi problemlərlə mübarizədə daha uğurlu olduğunu göstərib,   ABŞ, B.Britaniya , Rusiya və Çin kimi güclü və böyük dövlətlərdə isə pandemiyanın təsiri xüsusilə ağırdır.

″Qonşu  Rusiyada koronavirusun tüğyan etdiyi bir dövrdə , Gürcüstan sülh adasıdır.   3,75 milyon əhalisi olan ölkədə  koronavirusa  təsdiqlənmiş yoluxma  hallarının sayı 700-dən azdır və 12 nəfər dünyasını dəyişib, bu da Ümumdünya Səhiyyə Təşkilatı tərəfindən təqdirə layiq görülüb”deyə nəşrdə qeyd olunub.

Hazırladı-Sevinc Mustafayeva