Polşa Xarici İşlər Nazirliyi Rusiya tərəfindən Gürcüstana qarşı həyata keçirilən təcavüzün 10 illiyi ilə bağlı xüsusi bəyanat yayır.
“On il bundan əvvəl Rusiya Federasiyası tərəfindən Gürcüstana qarşı həyata keçirilən hərbi təcavüz nəticəsində Abxaziya və Sxinvali bölgəsi separatist idarəçilik altına keçdi. Bunu da Moskva formalaşdırdı və dəstəklədi. 2008-ci ildən tutmuş Polşa Xarici İşlər Nazirliyi bu iki bölgədə yaranmış duruma monitorinq aparır və beynəlxalq ictimaiyyətin səylərini dəstəkləyir”, – Polşa Xarici İşlər Nazirliyində bəyan edirlər.
Bəyanatda xüsusi ilə qeyd olunur ki, Varşava Abxaziya və Sxinvali bölgəsini Gürcüstanın ayrılmaz hissəsi kimi müzakirə edir.
Varşavada qeyd edirlər ki, Polşa Gürcüstan hökumətinin tanımamaq siyasətini tamamilə dstəkləyir.
