Biz Qara dəniz regionunun inkişafına dəstək vermək istəyirik və Rumıniya artıq strateji, irimiqyaslı layihələrin inkişafı istiqamətində Gürcüstanla işləyir -bu barədə Rumıniya prezidenti Klaus İohanis Gürcüstan prezidenti Salome Zurabişvili ilə birgə mətbuat konfransında açıqlayıb.

O bildirib ki, Rumıniya üçün Rumıniya-Gürcüstan arasında Aİ regionu ilə birləşdiriləcək elektrik xəttinin tikintisi prioritetdir.

“Biz Qara dəniz və Qara dəniz regionunda fiziki əlaqələrimizin sabitlik və rifahı təşviq etmək üçün vacibliyi barədə birlikdə razılaşdıq. Məhz bu səbəbdən biz bu regionun inkişafına dəstək vermək istəyirik və Rumıniya artıq Gürcüstanla strateji, irimiqyaslı layihələrin inkişafı istiqamətində işləyir. Beləliklə, bizim üçün Rumıniya-Gürcüstan və Azərbaycan arasında olacaq və Xəzər dənizini Qara dənizlə birləşdirən yaşıl elektrik enerjisi dəhlizi olacaq elektrik xəttinin tikintisi prioritetdir. Təbii ki, bu, Aİ regionu ilə birləşdirilmiş olacaq və bizim üçün müxtəlif istiqamətləri  – Rumıniya-Gürcüstan arasında fiber-optik kabel, həmçinin Aİ-Gürcüstan və ümumilikdə Mərkəzi Asiya arasında rəqəmsal əlaqələri inkişaf etdirmək də vacibdir.

Bundan əlavə, biz Gürcüstanla Qara dəniz və Xəzər dənizi arasında malların və müxtəlif məhsulların daşınması üçün dəhliz funksiyasını oynayacaq nəqliyyat dəhlizi üzərində işləyirik. Bu, Rumıniyanın Gürcüstan kontekstində yeni imkanların inkişafı və yaradılması təşəbbüsü olacaq. Həmçinin, Rumıniya ilə Gürcüstanı birləşdirəcək müntəzəm dəniz nəqliyyatından danışırıq. Bu, ticarətin təşviqi və ümumilikdə Avropa İttifaqı ilə Gürcüstan arasında münasibətlərin yaxşılaşdırılması üçün ən vacib məsələdir” – deyə Klaus İohanis bildirib.