İsrailin baş naziri Benyamin Netanyahunun sözlərinə əsasən, Qəzzada davam edən quru əməliyyatı “HƏMAS”la müharibənin ikinci mərhələsidir və çox aydın məqsədləri var.

Netanyahunun brifinqdə dediyinə əsasən, İsrailin əlavə quru qüvvələri “HƏMAS”ı məhv etmək və girovları evlərinə qaytarmaq üçün Qəzzaya daxil olub.

İsrailin baş naziri əlavə edib ki, onların əsgərləri və komandirləri hazırda Qəzza sektorundadır və “onlar hər yerdə yerləşdiriliblər”.

Bundan əlavə, Netanyahu beynəlxalq ictimaiyyətin bəyanatlarına cavab verib.

“Bizi müharibə cinayətlərində ittiham etməyin. Əsgərlərimizi hərbi cinayətlərdə ittiham edə biləcəyinizi düşünürsünüzsə, bu ikiüzlülükdür. Biz dünyanın ən əxlaqlı ordusuyuq”, – Netanyahu bildirib.

O, İsrail Müdafiə Qüvvələrinin mülki insanları qorumaq üçün tədbir gördüyünü bildirib və “HƏMAS”ı “öz xalqından qalxan kimi istifadə edərək” insanlığa qarşı cinayətlər törətməkdə ittiham edib.

“Bu, uzun və çətin müharibə olacaq. Biz qalib gələcəyik”, – deyə İsrailin baş naziri bildirib.