Belçika 6:46 Gürcüstan - "Borcğalosanilərin" "Reqbi Avropa Çempionatında" ardıcıl olaraq üçüncü qələbəsi (video)
“Reqbi Avropa Çempionatında” növbəti görüşdə Gürcüstan yığması Brüsseldə Belçika ilə görüşdü və böyük hesabla, 6:46 ilə məğlubiyyətə uğratdı.
Gözlənildiyi kimi, “Borcğalosanilər” rəqiblərini elə başdan təziq altına keçirdilər və birinci lelonu onuncu dəqiqədə qoydular.
23-cü dəqiqədə Milton Heyqinin şağirdləri üstünlüyü artırdılar və hesab 12:0 oldu.
Buradan təxminən üç dəqiqə sonra gürcülər üçüncü lelonu qoydular. Giorgi Suskişvili özünü göstərdi.
34-cü dəqiqədə Mirian Modebadze daha bir lelo qoydu.
Taymın sonuna üç dəqiqə qalmış ev sahibləri cərimə qazandılar və topu qapıya vuraraq hesabı 3:22 etdilər.
Matçın ikinici yarısını ev sahibləri fəal olaraq başladılar və beş dəqiqədən sonra cərimə nəticəsində Belçikalılar hesabı 6:22 etdilər.
İkinci taymda lelonun qoyulması üçün gürcülərə 23 dəqiqə lazım gəldi. Zurab Dzneladze fərqi 21 xala qədər artırdı – 6:29.
Tezliklə daha bir lelo qoyuldu, Giorgi Suskeridze dublu yerinə yetirdi.
Gürcü reqbiçisi rəqibinin səhvindən istifadə edərək oyunda yeddinci lelo qoyuldu.
Oyunun sonuncu lelosunu Giorgi Txilaşvili qoydu. Son olaraq matç 6:46 hesabı ilə başa çatdı.
“Borcğalosanilər” “Reqbi Avropa Çempionatında” növbəti görüşü martın 10-da saat 16:00-da Kutaisidə Almaniya yığması ilə keçirəcək. Matçın birbaşa efirini ənənəvi olaraq Birinci Kanal təqdim edəcək.