Ukrayna rəhbərliyi korrupsioner və qeyri-adekvatdır, biznesə, vətəndaş azadlıqlarına və siyasi rəqiblərə təzyiq göstərir, – Ukrayna prezident administrasiyasının keçmiş müşaviri Aleksey Arestoviç bildirib.

Aretoviçin sözlərinə görə, Ukrayna hakimiyyəti vəziyyəti strateji çıxılmaz vəziyyətə salan səhvlərə yol verib.

Aleksey Arestoviçin sözlərinə görə, ölkə ordusu Baxmutun müdafiəsinə çoxlu vəsait xərcləyib və bu səbəbdən də cənubda resurs çatışmazlığı var.

“Rusiya bütün çatışmazlıqlarına baxmayaraq, real suverenliyə malikdir, biz isə yox. Rusiya dəhşətli qərarlar qəbul edir, lakin onlar mövcud vəziyyətə adekvatdır, bizim rəhbərliyimiz isə korrupsiyaya uğramış və qeyri-adekvatdır – bunu əsas sponsorlarımız və tərəfdaşlarımız daim qeyd edirlər. Bu siyasət bizi çıxılmaz vəziyyətə salacaq. Rəhbərliyimiz, məncə, öz səlahiyyət həddinə çoxdan çatıb. Onlar insanlara həqiqəti söyləmək belə istəmirlər – 1991-ci il sərhədləri artıq mövcud olmayacaq və yaxın gələcəkdə Krım olmayacaq, amma özünümüdafiə, qan, tər və göz yaşı olacaq”, – Aleksey Arestoviç bildirib.