ABŞ Nümayəndələr Palatasının spikeri Mayk Conson hökumətin “Şatdaun”un qarşısını almaq üçün -adlandırılan müvəqqəti maliyyələşdirilməsi layihəsini təqdim edib. Müvəqqəti maliyyələşdirmə layihəsi dövlət strukturlarının bir hissəsinin yanvarın 19-dək, bir hissəsinin isə fevralın 2-dək maliyyələşdirilməsini nəzərdə tutur.

Nümayəndələr Palatasının respublikaçıları qanun layihəsini çərşənbə axşamı qəbul etməyə ümid edirlər. Respublikaçıların təqdim etdiyi aralıq büdcəyə İsrail və ya Ukrayna üçün maliyyə vəsaiti daxil deyil.

Konqres cümə gününə qədər hökumətin maliyyələşdirmə layihəsi haqqında razılaşma əldə etməlidir, əks halda hökumət fəaliyyətini dayandırmalı olacaq, yəni sözdə “Şatdaun” qaçılmazdır. Bu o deməkdir ki, dörd milyona qədər federal işçinin maaşları gecikdiriləcək.

Respublikaçıların qanun layihəsi Ağ Evdə tənqid edilib. Karin Jan-Pierrenin verdiyi açıqlamada dediyinə görə, qanunvericilik sadəcə “daha çox Respublikaçı xaos və daha çox “Şatdaun” üçün bir reseptdir”. Ağ Evin mətbuat katibinin sözlərinə görə, Nümayəndələr Palatasında respublikaçılar qeyri-ciddi təşəbbüslərlə vaxt itirirlər bu isə öz növbəsində hər iki partiyanın üzvlərinin tənqidinə səbəb olur.

Xatırladırıq ki, oktyabrın 1-də ABŞ Konqresinin hər iki palatası 45 günlük müvəqqəti büdcəni təsdiqlədi və bu, ölkədə hökumətin fəaliyyətinin dayanmasına imkan vermədi.