Վրաստանի կրթության նախարարությունը Վրաստանի Առաջին ալիքի հետ համատեղ սկսում է առցանց հեռուստատեսային կրթական նախագիծ

17:54, 13.03.2020

Վրաստանի կրթության նախարարությունը Վրաստանի Առաջին ալիքի հետ համատեղ սկսում է օնլայն հեռուստատեսային կրթական նախագիծ:

Նոր կորոնավիրուսի պատճառով ստեղծված իրավիճակից ելնելով, նախագծի միջոցով հնարավոր կլինի դպրոցի աշակերտներին հեռուստատեսային և առցանց հարթակներից փոխանցել ուսումնական ծրագրերը:

Նախագծի շուրջ աշխատանքն ընթացել է մի քանի օր և այսօր այն արդեն գործարկվել է:

Ծրագիրը հասանելի կլինի բոլոր աշակերտների համար, որի համար կկիրառվեն Վրաստանի Առաջին ալիքի բոլոր մեդիահարթակները – Երկրորդ ալիքը, 1tv.ge կայքէջը, Վրաստանի Առաջին ալիքի յութուբյան և ֆեյսբուքյան էջերը:

Կրթության նախարարությունն ապահովել է ուսուցիչների մասնակցությունը, պատրաստվել են ուսումնական ծրագրեր, առարկայական հանձնարարականներ և հրահանգներ:

Առաջին ալիքը կապահովի աշխարհի լավագույն ստուդիաների կողմից պատրաստված ուսումնական փաստագրական ֆիլմերի թարգմանությունը և այդ նախագծի շրջանակներում ցուցադրությունը:

Հեղինակ - Anna Badalian

COVID-19

Հասարակական

Կորոնավիրուս