Վրաստանի հիվանդությունների վերահսկման կենտրոնի ղեկավար Ամիրան Գամղրելիձեն հայտարարում է, որ պատրիարքարանից նրա հետ զրուցել են կորոնավիրուսի կանխարգելման նպատակով ախտահանման հարցերի հետ կապված: Նրա խոսքով, նշված հարցով հաղորդակցություն է կայանալու գործարարների հետ, որոնք եկեղեցուն կառաջարկեն բարեգործական ձևով ցուցաբերել նշված ծառայությունը:

«Այսօր այս հանձնարարականն ենք տվել հիվանդությունների վերահսկման կենտրոնի առողջապահության դեպարտամենտին, որտեղ գրանցվում են ախտահանման լուծույթները և նյութները: Ես նրանց խնդրեցի, կապ հաստատեին մի քանի ընկերությունների հետ, նրանք կարող են արդյոք բարեգործության կարգով օգնել պատրիարքարանին այս հարցում:

Լավ է, որ երկրում կա համերաշխություն և բազմաթիվ գործարարներ հայտնել են երկրին օգնելու ցանկություն»,- հայտարարել է Ամիրան Գամղրելիձեն: