Վրաստանի ԱԳՆ-ը ամենօրյա ռեժիմում տեղեկություն կհրապարակի կորոնավիրուսի պայմաններում արտասահմանում գտնվող Վրաստանի քաղաքացիների օգնության մասին

23:30, 09.04.2020

Վրաստանի արտաքին գործերի նախարարությունն ամենօրյա ռեժիմում տեղեկություն կհրապարակի կորոնավիրուսի տարածման պայմաններում արտասահմանում գտնվող Վրաստանի քաղաքացիների օգնության մասին:

Ինչպես հայտարարում են գերատեսչությունում, նշված տեղեկությունն ընդգրկում է վիճակագրական տվյալներ երկու ուղղությամբ:

«Առաջինը՝ նախքան հայրենիք վերադարձն արտասահմանում գտնվող քաղաքացիների մասին հոգ տանելը և երկրորդը՝ քաղաքացիների անվտանգ, աստիճանաբար վերադարձը Վրաստան:

Այս պահի տվյալներով, Վրաստանի դիվանագիտական ներկայացուցչությունները տեղում օգնություն են ցուցաբերել 3321 քաղաքացու, կառավարություն աջակցությամբ, կազմակերպված ձևով հայրենիք է վերադարձել մոտ 5000 քաղաքացի»,- նշված է արտաքին գերատեսչության տեղեկության մեջ:

Հեղինակ - Anna Badalian

COVID-19

Հասարակական

Կորոնավիրուս