Վրաստանի կառավարությունը Լեհաստանի կառավարությունից կստանա pfizer պատվաստանյութի 468 հազար դեղաչափ։ Վրաստանի առողջապահության նախարարության տեղեկությամբ, նվիրատվության առաջին մասն արդեն բերվել է երկիր։

Ըստ նրանց, միջոցառմանը մասնակցել են առողջապահության նախարարի առաջին տեղակալ Թամար Գաբունիան, Վրաստանում Լեհաստանի դեսպան Մարիուշ Մաշկևիչը, փոխարտգործնախարար Ալեքսանդր Խվթիսիաշվիլին և Հիվանդությունների վերահսկման կենտրոնի ղեկավար Ամիրան Գամղրելիձեն։

Առողջապահության փոխնախարար Թամար Գաբունիան շնորհակալություն է հայտնել Լեհաստանի կառավարությանը:

«Լեհաստանի կառավարության կողմից Վրաստանին կփոխանցվի pfizer պատվաստանյութի 468 հազար դեղաչափ։ Սա կարևոր օգնություն է պատվաստումների ծրագրի նպատակների համար ինչպես ընթացիկ, այնպես էլ խթանող չափաբաժինների համար: Շատ շնորհակալ եմ Լեհաստանի կառավարությանն այս օգնության համար»,- ասել է Թամար Գաբունիան։

Միևնույն ժամանակ Վրաստանում Լեհաստանի դեսպան Մարիուշ Մաշկևիչը նշել է, որ անհրաժեշտության դեպքում Լեհաստանը կշարունակի աջակցել Վրաստանին։

«Ուրախ եմ, որ Լեհաստանը կարողացավ օգնել Վրաստանին այս դժվարին ժամանակահատվածում։ Հուսով եմ, որ բնակչությունն ակտիվորեն կօգտագործի այդ պատվաստանյութերը և վերջապես պատվաստումների օգնությամբ մենք ավարտին կհասցնենք ներկայիս հինգերորդ ալիքը և համավարակը։ Անհրաժեշտության դեպքում Լեհաստանը կրկին կօգնի Վրաստանին»,- ասել է Վրաստանում Լեհաստանի դեսպան Մարիուշ Մաշկևիչը։

Covid 19-ի դեմ ինակտիվացված պատվաստանյութերով (Sinovac, Sinopharm) պատվաստված անձինք կկարողանան պատվաստվել Pfizer-ի լրացուցիչ պատվաստանյութով հետևյալ կերպ. Երկու դեղաչափով պատվաստվածների դեպքում, անձինք որոնց անհրաժեշտ է պատվաստվել արտասահման մեկնելու համար, կարող են պատվաստվել Pfizer պատվաստանյութի երկու չափաբաժնով, երկրորդ դեղաչափի միջև նվազագույնը 28 օր ընդմիջումով:

Pfizer պատվաստանյութը ճանաչված է Առողջապահության համաշխարհային կազմակերպության կողմից։ Պատվաստման համար անհրաժեշտ երկու դեղաչափը տրվում է 21-28 օրվա ընդմիջումներով: pfizer-ը պատվաստանյութը մշակել է գերմանական գործընկեր Biontec-ի հետ համատեղ: Covid 19-ի դեմ Pfizer-ով պատվաստանյութով կարող են արդեն պատվաստվել 12-ից 15 տարեկան երեխաները, ովքեր պատվաստվել են արտասահման մեկնելու, սովորելու, բուժման կամ որևէ այլ նպատակով՝ օրինական ներկայացուցչի ողջամիտ պահանջով։

Առողջապահության նախարարության տվյալներով՝ առաջիկա մեկ շաբաթվա ընթացքում pfizer պատվաստանյութը երկիր կառաքվի հինգ փուլով։