Վրաստան վերադարձած բոլոր քաղաքացիները կտեղափոխվեն կարանտինային գոտի

12:45, 20.03.2020

Վրաստան վերադարձած բոլոր քաղաքացիները կտեղափոխվեն կարանտինային գոտի: Այս մասին հայտարարել է վարչապետի մամլո խոսնակ Իրակլի Չիքովանին՝ կորոնավիրուսի հարցով ստեղծված համակարգող խորհրդի նիստի ավարտին, կառավարության վարչությունում:

Բացի այդ, վաղվանից ամբողջովին դադարեցվում են ավիաչվերթները:

«Կայացվել է որոշում, որ վաղվանից ամբողջովին դադարեցվում են ավիաչվերթները և իրականացվելու են միայն այն ավիաչվերթները, որոնք կատարում է Վրաստանի ավիաուղիները և համակարգված են Վրաստանի կառավարության հետ:

Կայացվել է որոշում, որ անկախ այն բանից, թե որ երկրից են վերադառնում Վրաստանի քաղաքացիները հայրենիք, նրանք անմիջապես կտեղափոխվեն կարանտինային գոտի և կլինեն բժիշկների հսկողության տակ»,- հայտարարել է վարչապետի մամլո խոսնակը:

Հեղինակ - Anna Badalian

COVID-19

Հասարակական

Իրակլի Չիքովանի

Կորոնավիրուս