Վերջին օր ու գիշերվա ընթացքում, ամբողջ  աշխարհում կորոնավիրուս է հաստատվել ավելի քան 432 000 մարդու մոտ: Այս մասին տեղեկատվությունը տարածում է՝ Առողջապահության համաշխարհային կազմակերպությունը:

Համավարակի սկսվելուց ի վեր, աշխարհում ընդհանուր առմամբ գրանցված է կորոնավիրուսով վարակման 105 394 301 դեպք:

Վերջին 24 ժամվա ընթացքում, կովիդ 19-ից աշխարհում մահացել է 11 752 մարդու, իսկ համաճարակն սկսվելուց ի վեր, զոհերի թիվը հասել է ավելի քան 2,3 միլիոնի:

Անցած օր ու գիշերվա ընթացքում, կովիդ վարակման դեպքերի ավելի քան 55 տոկոսը, գալիս է Հյուսիսային և Հարավային Ամերիկայի վրա: Երկրորդ տեղում Եվրոպայի տարածաշրջանն է, իսկ երրորդում `Հարավարևելյան Ասիան:

Միացյալ Նահանգները վարակվածության և զոհերի թվով աշխարհում առաջին տեղում է, որտեղ «կովիդ 19»-ը մինչև այժմ հաստատվել է ավելի քան 26 միլիոն մարդու մոտ, մահացել է ավելի քան 460 000 պացիենտ: