Թբիլիսիի ծովի հոսպիտալում հայտարարում են, որ երեք անձանցից, որոնց մոտ այսօր ախտորոշվել էր կորոնավիրուս, երկուսն Ադրբեջանի քաղաքացի է, մեկը՝ Վրաստանի

18:05, 16.06.2020

Թբիլիսիի ծովի հոսպիտալում հայտարարում են, որ երեք անձանցից, որոնց մոտ այսօր ախտորոշվել էր կորոնավիրուս, երկուսն Ադրբեջանի քաղաքացի է, մեկը՝ Վրաստանի:

Ինչպես հայտարարել են հոսպիտալում, բոլոր երեք վարակակիրների վիճակը միջին ծանրության է:

«Թբիլիսիի ծովի հոսպիտալում արձանագրվել է երեք նոր դեպք, այստեղից երկուսը մինչև 60 տարեկան տղամարդիկ են, նրանք Ադրբեջանի քաղաքացիներ են: Տարանցիկ ավտոտրանսպորտով էին երթևեկում, սահմանին արագ թեստի անցկացման արդյունքում նրանց մոտ ախտորոշվել է կորոնավիրուս: Մեկը Վրաստանի քաղաքացի է, 20 տարեկան, ում մոտ ևս ախտորոշվել է կորոնավիրուս: Պացիենտը տեղափոխվել է Մցխեթայի բժշկական կենտրոն և այնտեղից կշարունակի բուժումը»,- հայտարարել է Թբիլիսիի ծովի հոսպիտալի բժշկական վարչության ղեկավար Մարեխ Բեքաիան:

Հեղինակ - Anna Badalian

COVID-19

Հասարակական

Կորոնավիրուս