Թբիլիսիի ինֆեկցիոն հիվանդանոցի մեկուսացված բաժանմունքի ղեկավար, Մարինա Էնդելաձեի հայտարարությամբ՝ նախորդ օրերի համեմատությամբ Թբիլիսիում կորոնավիրուսի նոր դեպքերի թիվն աճել է:

Դեպքերի քանակից ելնելով, ինչպես նշել է Էնդելաձեն, անհրաժեշտ է զգույշ լինել:

«Ամենակարևորն այն է, որ Թբիլիսիում աճել են կորոնավիրուսների դեպքերը: Իհարկե, մենք բոլոր մարզերում պետք է շատ զգույշ լինենք, բայց հաշվի առնելով բնակչության խտությունը և այն փաստը, որ այստեղ հիմնականում անցկացվում են բոլոր կարևոր միջոցառումները, մենք պետք է շատ զգույշ լինենք: Գուցե ինչ որ կերպ Թբիլիսին փրկվի նման հզոր ծանրաբեռնվածությունից և վարակման շատ դեքերից»,- ասել է Մարինա Էնդելաձեն:

Վերջին 24 ժամվա ընթացքում Վրաստանում արձանագրվել է կորոնավիրուսի 549 նոր դեպք, ապաքինվել է 268 պացիենտ:

Միևնույն ժամանակ, կորոնավիրուսի նոր դեպքերից 348-ը արձանագրվել է Աջարիայում, իսկ 99-ը ՝ Թբիլիսիում: