Նյու Յորքի նահանգում վերջին մեկ օրում կորոնավիրուսից մահացել է 777 մարդ

00:09, 11.04.2020

Նյու Յորքի նահանգում վերջին մեկ օրում կորոնավիրուսից մահացել է 777 մարդ: Այս մասին հայտարարել է Նյու Յորքի նահանգապետ Էնդրյու Քուոմոն:

Հատկանշական է, որ նախօրեին Նյու Յորոքում կորոնավիրուսից զոհվել էր 799 մարդ:

Համավարակի մեկնարկից մինչ օրս նահանգում զոհվել է 7 844 մարդ:

Ինչպես նշել է նահանգապետը, ճիշտ է, նահանգն ամեն օր կորցնում է բազմաթիվ կյանքներ, սակայն զգուշավոր լավատեսություն է հայտնում այն առնչությամբ, որ վարակի տարածման տեմպը կնվազի:

Նահանգապետի խոսքով, համավարակի մեկնարկից հետո առաջին անգամ ինտենսիվ բաժանմունքի պացիենտների թիվը նվազել է:

Հեղինակ - Anna Badalian

COVID-19

Միջազգային

Կորոնավիրուս