Մեր երկիրը երբեք չի հաշտվի Աբխազիայի ու Հարավային Օսիայի բռնազավթման հետ, Վրաստանի ինքնիշխանությունը, տարածքային ամբողջականությունը մեզ համար հիմնովի կարևոր են. Լիտվայի նախագահ
Լիտվայի Հանրապետության Նախագահ Գիտանաս Նաուսեդան Վրաստանին շնորհավորում է Անկախության օրվա առթիվ:
Նրա խոսքով, Լիտվան հարգում է վրաց ժողովրդի վճռական որոշումը, ստեղծել ժողովրդավարական, զարգացած և անվտանգ եվրոպական երկիր:
Ըստ Գիտանաս Նաուսեդայի, Լիտվան վճռականորեն սատարում է Եվրամիության և ՆԱՏՕ-ի անդամ դառնալու Վրաստանի ձգտումներին:
«Հարգելի վրացի ընկերներ: Հարյուր երեք տարի առաջ Լիտվան և Վրաստանը ներկայացնում էին երկու ազգեր, որոնք պայքարում էին իրենց պետականության վերականգնման համար, և չնայած այն ժամանակ մենք քիչ շփումներ ունեինք, մեր տրամադրությունը միասնական էր ազատության մեծ պայքարում: Անցել է ավելի քան մեկ դար, և մեր պետություններն ավելի ու ավելի են ուժեղանում: Ազատությամբ միավորված, մենք անընդհատ մերձենում ենք միմյանց: Լիտվան հարգում է վրաց ժողովրդի վճռականությունը ժողովրդավարական, զարգացած և անվտանգ եվրոպական երկիր ստեղծելու հարցում:
Մենք նաև հստակորեն աջակցում ենք Եվրամիության և ՆԱՏՕ-ի անդամ դառնալու ձեր ձգտմանը: Ձեր հաջողությունը կլինի նաև մեր հաջողությունը:
Իմ երկիրը երբեք չի ընդունի Ռուսաստանի կողմից Աբխազիայի և Ցխինվալի օկուպացիան:
Վրաստանի ինքնիշխանությունն ու տարածքային ամբողջականությունը մեզ համար սկզբունքորեն կարևոր են: Այսօր ես շատ ուրախ եմ տեսնել, որ վրաց ժողովուրդը հպարտ է իր երկրով, պատմությամբ և մշակույթով: Լիտվացի ժողովրդի անունից ես ձեզ ամենալավ տրամադրությունն ու մաղթանքներն եմ հղում: Շնորհավոր անկախության օրը՝ Վրաստան», – հայտարարել է Լիտվայի նախագահը տեսաուղերձում: